【本報訊】7.2清晨的遮打道出現揪心一幕，兩個學生雙手緊扣，一個被箍頸在狂吼，另一個眼鏡飛脫、面容扭曲，表情痛苦。被箍頸的，是樹仁大學學生會外務副會長陳珏軒；眼鏡飛脫的，是中大學生會外務秘書司徒子朗。
「好多警察……有人㩒我穴位，又㩒我隻眼，又拉手，仲有人喺耳邊好似催眠咁，叫我放手。之後又好大力屈手，手腳穴位㩒到實，痛到嗌出嚟，但係冇人理」。司徒子朗當時面容扭曲，憶述遭遇時卻說得淡然，「警察清場要拉開隻手，使用武力好合理而且係必須，只係今次過份咗」。
他就讀中大政治與行政學系，深信社會應有公義而走上街頭，中三開始會為興趣走到法庭聽審，希望日後讀法律，投身司法界。今次被捕會否影響前途？他說：「做律師最主要係睇品格，就算有案底，都唔係非禮、盜竊之類，應該冇問題。」幸好得到家人支持，獲釋後查看手提電話，收到的是爸爸的短訊，「問我有冇嘢幫手，我話冇，好快返」。
遭譏諷「不如上京搞事」
新聞照片上，另一被警察箍頸時咬緊牙關的人是陳珏軒，「嗰個唔係痛苦樣，係激昂樣，我叫緊口號」。他說警察當日沒能將他抬離，身體並無受傷，不過遭到了語言譏諷，「登記資料嗰時，有警察話『咁鍾意搞事，不如同呀咩之鋒上北京搞吖嘛』」。晚上獲釋前派飯盒，在場警司不知有心無意，與身旁夥計說「冇飯食，示威遊行咪有飯食囉」，陳聽進耳裏不是味兒，「食飯係基本人權，使唔使講啲咁嘅嘢呀」。司徒子朗說，補習天王趙善軒也是被捕者之一，有警察問他「收咗幾錢嚟呀？」趙霸氣回應「我月入六位數」，警察即時「噤聲」。
第一次正式被捕，陳珏軒事前沒有和母親商量，「阿媽想我畢業之後做公務員，之前係咁叫我唔好去，但其實我好抗拒」。獲釋後母子對話，陳太擔心珏軒安危，珏軒就問自己的名字由來，「軒，係想我氣宇軒昂咁做人」，媽媽笑了。
對於公民抗命影響前途的說法，修讀社會學系的他說：「認識到世界唔公平，想做啲嘢去改變。眼見身邊有人繼續受苦，就算有前途都冇意思。」佔領中環蓄勢待發，兩人都說會繼續參與，義無反顧。