「爸爸一直飲酒嘈到我同媽咪一星期有幾晚冇得瞓，最近真係抵唔順，自己情緒都有問題，下個月應該會搬出去租屋。
「本身想買樓，但係得幾十萬Cash。出去租屋起碼一萬，計埋雜費一年起碼都十五六萬，覺得好唔值得。而且有好嘅環境又唔make sure我收入會多幾萬。就算我自己搬出嚟住比較平，但始終媽咪細妹留喺屋企都係瞓唔到覺，又驚情況萬一惡化怕會有生命危險。但我繼續留低情況就更加惡劣，工都唔使做……」
你心情複雜又矛盾，思緒很亂我完全理解。但你一直在逃避面對，不停自問自答思想掙扎，問題好像很危急又逼切要解決，但你講來講去的，都是說服自己做來都冇用的藉口，你究竟有幾大勇氣及決心要克服？
坦白講，你要不是一直和我有書信來往的忠實讀者，我答都不敢答。家家有本難念的經，曾因力勸被家暴的友人離婚而搞到自己雞毛鴨血。你的情況更大鑊，酗酒的爸爸終日發酒癲，他要是肯戒當然天下太平，你們一家就不會如此痛苦。你是當事人，為了生活能重投正軌，搬走要是唯一出路的話，還要計算計較值不值？你搬不搬出去住也好，誰能保證你收入？講真，你是長子，為了你自己為了無助無依的媽媽妹妹，你經已有充份理由努力拼搏兼奮鬥。你從事的銷售行業，我太熟悉，一切惟勤而已，你肯做，何愁冇得做？你做了一陣子可以有幾十萬積蓄，還不夠證明？
我的提議是帶着媽媽及妹妹一齊搬走，環境幾擠迫也好，即使清茶淡飯，只要心靈安靜心境平靜生命安全，就足夠。你毋須來函再作爭辯企圖說服我，你的家事本就無我置喙的餘地。
男子漢大丈夫，無非該為當為敢為而已！
張慧敏
http://www.facebook.com/HKcareerdoctor