鄺保羅不是保羅或者小保羅，大家無謂問道於盲。如果想見鄺保羅，教會冇晒佢蹤影啦，這次唔潛水唔得，去水族館試吓吧。
雖然八爪魚保羅冇咁幽默風趣，但老老實實，假如聖公會冇篩選，教徒可以公民提名它，取代話人啞嘅鄺保羅。
神算保羅上屆貼中西班牙，贏波，贏名聲。鄺保羅支持中國政府，做埋政協，榮華富貴。用腦分析一下，教會和教徒贏到乜？
鄺保羅有冇小保羅接班？有，小保羅是反問記者「良心係乜？我和你的良心都唔一樣」的一哥曾保羅。
聖保羅和鄺保羅有什麼關係？曾德成，你終於有發言權了。
鄺保羅說，要是耶穌在立法會，肯定不會擲物拉布。那末就是暗示耶穌是建制派，試問邊個保皇黨最鍾意講耶穌？「黐根」做好釘十字架的準備未？