世盃啱啱踢完，車路士領隊摩連奴（圖）就急不及待要出吓口術。雲高爾啱啱先由巴西返咗歐洲，都未見晒曼聯班球員，摩佬就已經送頂高帽畀雲帥，話佢係今屆世盃最佳教練。摩連奴讚人，聽落點都唔似係真心，睇怕都係心理戰，想畀啲壓力雲高爾。另外，之前有傳係阿仙奴下一個目標嘅基迪拉，傳聞因為摩佬嘅關係，所以比較想去車路士。