年逾80歲的黃伯在7.1遊行後，送完老伴回家，又折返中環再上戰場，最後被警方羈押8小時，還登上《蘋果》頭版，「我犯法，但我冇犯罪」。女兒Angel趕到黃竹坑警校時，沒「倒抽一口涼氣」，儘管老父曾做通波仔手術、患糖尿病、痛風症，視力更嚴重退化，依舊氣定神閒，勇敢如昔，「我覺得阿爸真係幾鬼勁，幾大無畏，我就做唔到，上吓鏡都驚」。
女兒大讚勇敢，做父親的黃伯不以為然，「我只係做我應該做嘅事」。當晚父親趕往中環聲援學生，Angel在途中遇上，沒有阻止，「作為佢個女，我覺得佢做啲啱嘅嘢，點解要阻止？」回家倒頭大睡，翌日清晨律師來電才知道父親被捕。離開警校時她還笑問爸爸害不害怕，「佢話唔驚，驚乜呀！」那一刻她看見父親的光環，「佢年紀咁大都為我哋爭取，有時覺得自己係咪做得唔夠呢？」
黃伯教女兒要有正義感
從小到大，黃伯總教女兒要有正義感，抱打不平。Angel說，每年7.1前夕父親都會來電，知道她不上街就會責難，「佢話我哋自己都唔去爭取，第時做奴隸呀」。黃伯在旁澄清：「我係鼓勵，冇逼佢哋。你唔去咁自私，要人哋爭取埋畀你？人哋去冒險你就唔使？我就咁樣話過佢哋囉。」他上街是為了女兒，更為了他們的下一代，「我唔想佢哋繼續做二等人」。
黃伯是湛江人，曾是共產黨員，在政府部門做採購工作。往事他不願多談，只說不想再做專制政權下的奴隸。Angel從母親處得知，當年父親不滿部門貪腐，拒同流合污而被撤職，連番被打壓。60年代初，他偷渡到澳門，再來香港，「佢投奔怒海好有決心」。觸及舊事，一直言談甚歡的Angel也不禁拭淚，「我老竇一聽到共產黨就會即刻反枱，知道佢哋講一套做一套，無所不用其極！」
心願得一個：見到真普選
黃伯做過苦工、小販，來港後定居古洞麒麟村，種菜為生。去年忽然冒出業主收地，雙方告上法庭，農地暫被封。「佢最鍾意鋤地，𠵱家連地都冇得鋤，變得好消沉。」父親終日愁眉苦臉，Angel便帶他去粉嶺馬寶寶社區農場，到立法會參加反新界東北發展集會，讓他認識同路人。她笑言過去一年，父親尋回寄託，「𠵱家反而精神咗，咁咪鬥長命囉，唔好畀人睇死」。
自稱師奶的Angel，以前總覺得上街遊行作用不大。父親瞓身示範一次公民抗命，啟發了她，不應再政治冷感，「我覺得佔中係一個新思維，比起遊行，公民抗命都幾新，又好似幾可行，起碼有個缺口畀香港市民表達心願」。若再來一次和平佔中，會否陪老父上陣？「我得唔得㗎？我驚喎，但我都會考慮」。
預演佔中當晚，黃伯手執枴杖匆匆趕往遮打道，手挽手跟學生和平靜坐，藥物也沒帶在身。Angel坦言若父親突然不適，或許就此離去，「我覺得佢係做得啱，不過我真係太放心」。事後回想，她仍不會勸阻，「佢咁老，可能做完之後，聽日就死咗，咁可以畀佢完成心願」。黃伯說，心願只得一個，「希望見到有真普選，我要求好簡單」。