世界盃曲終人散，有單身港男女卻因世盃而譜出戀曲。Speed Dating公司Colour Match創辦人李先生指，過去一個月辦的聚會都以世界盃為主題，效果不錯，「以往參加嘅男女一係冇話題，一係講工作，有世界盃有助幫佢哋多啲話題」。成功撮合Shawn和Heidi為情侶。
28歲的Shawn稱，三周前出席Speed Dating聚會才知道主題是世界盃，當晚認識到26歲的Heidi，「我哋都係支持德國隊」。喜歡同一支球隊令他們打開話題，之後交換電話並相約一起睇波及交換心水，互相了解更多，最終在德國7比1擊敗巴西當晚成為情侶，如今德國又捧盃，可謂好事成雙。