豐盛金融資產管理董事黃國英（Alex）喺世界盃開鑼前自爆用5,000元買瑞士拎冠軍，博贏100倍，最終瑞士出線16強後止步，如意算盤打唔響，但就贏咗話題性；不過前晚德國同阿根廷嘅決賽，佢以值博率高為由，落注阿根廷，結果再次輸策略兼輸錢。
雖然Alex落重注瑞士，但私底下曾經同華華講過「best guess德國、best bet瑞士」，即係正路睇係德國最有機會捧盃。咁即係話佢明明睇啱，點解走去買阿根廷呢？佢就話，覺得捧德國嘅氣氛太一面倒，加上買阿根廷嘅賠率唔錯，反而值得博一博。
Alex今次唔肯透露落注幾多買阿根廷，話費事鼓吹賭博。不過咁講，前晚阿根廷喺加時尾段先至失波，德國贏得唔輕鬆，都證明Alex呢一博，唔係冇理由嘅。