徐小明將於下月15至17日在灣仔演藝學院，舉行三場「徐小明感恩豪情演唱會2014」，昨日他在尖沙嘴舉行記者會，老婆去到撐場。今次個唱VIP門票高達1,000元，媲美張學友、鄧紫棋的個唱票價，五歲入行做童星的徐小明自誇說：「演唱會有好多環節，中西樂、合唱團、武術，不計成本，歌酬放晒製作度，單睇製作都值回票價。」他表示最重要環節是獻唱《鳳閣恩仇未了情》送給誼母鳳凰女。
小明表示五年前張耀榮曾邀請合作，並打算在紅館開六場：「嗰時聽佢咁講都嚇一跳，係耀榮叔畀鼓勵同信心我，之後講好紅館做四場，點知嗰排做咗個手術，個期就過咗，耀榮叔𠵱家離開咗，都有個遺憾。」
採訪、攝影：溫敏芝