【本報訊】炎夏降臨，有近30年歷史的大圍街市，商販多年來一直向食環署爭取安裝冷氣，但署方卻採取「拖字訣」。商販指酷熱天氣下，室內氣溫最高達40℃。有魚檔老闆熱到日換五套衫；凍肉店即使有雪櫃，仍須額外購買冰塊，防止食物變壞；海鮮檔鮮魚更加抵受不住酷熱天氣「熱到反肚」。街市唯一有冷氣的地方，是食環署辦事處。
記者：譚靜雯
大圍街市1985年啟用，上月底剛完成天花維修工程，但並不包括安裝冷氣。街市互助委員會副主席香松穩稱，多年來一直要求食環署加裝冷氣，「呢度就好似蒸籠，好難頂」。他又稱，維修工程後室內氣溫更高，最高達38至40℃，人流及生意最少急跌一半，甚至有商販焗到病。
與有冷氣街市相差10℃
魚檔老闆萬先生直言街市炎熱翳焗，猶如置身桑拿，就算在檔位內加裝風扇，「吹出來嘅風都係熱」，須日換五套衫。售賣淡水魚盧太情況更嚴重，鮮魚熱到反肚，「買返來都識游水，街市太熱啲魚一日要換7次水，有冷氣就唔使咁」。
經營凍肉生意的藍先生主要售賣肥牛、雞翼等，「街市太熱，肥牛係雪櫃攞出嚟擺一陣就會變晒色，雞腳都係，放咗一陣變咗黑色，惟有自己食啦，如果街市有冷氣唔會咁樣」。同樣售賣凍肉黃先生指街市溫度高，出汗太多，有時會感到頭暈，又擔心令食物變壞，「凍肉係有雪櫃，但要另外攞啲冰墊底，每個月要用多2,000蚊」。
食環署負責管理全港76個街市，當中只有32個街市有安裝冷氣。記者上周曾到部份食環署轄下街市量度室溫，即使視察當日不時下大雨，但無安裝冷氣的大圍街市室溫仍高達36.2℃。至於其餘有冷氣的街市，室溫就介乎24至26℃不等，與無冷氣街市溫度相差達10℃。家庭醫生鄭志文稱，若環境溫度較體溫還高，散熱機制就會失效，中暑機會大增，會出現心跳加速、脫水、頭暈等症狀。
將邀高永文親身感受
工黨立法會議員張超雄上周到街市與商販開會，直指街市環境惡劣，最荒謬是，街市唯一有冷氣的地方是食環署辦事處，「佢嗰辦事處咁多年來涼浸浸，商販同買餸街坊就要抵受酷熱嘅天氣」。他不滿署方採取「拖字訣」，將邀請食衞局局長高永文到街市親身感受熱力。
食環署回應，早期興建的街市設計不包括安裝冷氣，未預留配套設施加裝冷氣，加裝冷氣工程範圍廣泛須取得大部份檔戶同意及支付冷氣費，才會考慮。署方又指政府已聘請顧問研究改善公眾街市的營運環境。
