【本報訊】香港書展後日揭幕，有出版社去年書展推出一系列批評政府施政失誤新書熱賣，但在中資大型書店上架卻「被低調」處理，展銷不足四個月便遭下架，全數退回。出版社負責人指出新書全遭書店快速下架前所未見，今年書展惟有首次暫停「開宗明義」政論書，改以推出一系維護本港核心價值叢書，如涉及反新東北發展的《革你小命》，「如果連呢啲書都被低調處理，香港就好可悲。」
出版社改賣港人自救書
上書局總編輯鄺穎萱表示，該出版社在書展推出新書，佔八成屬政論書，去年有蔡東豪《商界應該支持真普選》、添馬男《茂利689》等，「呢啲書喺書展好受歡迎，賣咗總書量兩成，之後再放喺中資背景大型連鎖書店售賣，按慣例賣到翌年書展前下架」。
鄺穎萱指出，想不到該批書遭書店低調處理，放在暗處銷售，「舊年10月全部下架退返嚟。佢哋解釋話啲書唔好賣。真正原因大家心知肚明」。記者在上書局現場所見，積滿了被退回的政論書以萬本計，「過去從未發生呢種事，呢批舊書會係書展後開倉，十蚊起發售，畀多啲人睇到」。
她說，在這種政治氣氛，今年書展暫停推出「開門見山」式批評梁振英的政論書，以另一角度改為售賣探討本港核心價值書籍，「鬧佢（梁振英）又唔聽，聽又唔做，做又做錯；靠呢個政府不如自己救自己，今年一系列新書維護港人核心價值自救嘅書。」例如反新界東北發展議題，菜園村保衞家園，「我哋一本《革你小命》，保衞家園不但可走上街頭抗爭，仲可以生活上小革命做起」。
時事評論員劉細良今年書展推出兩部新書，「《香港知識人》係同香港九位知識人包括陶傑、陳曉蕾、潘毅、趙式慶等對談，帶出點樣令到香港社會進步。《森羅萬象》以旅遊帶出亞洲歷史文化發展；梁文道嘅《舌頭味覺現象學ll》，用食嚟講到中、港等政治層面」。
鄺穎萱強調，該批探討及維護本港核心價值新書若最終亦在大型書店被下架，會感到香港好可悲，「希望唔好去到呢個地步」。