劉志雄，牧師。「身為香港人，我會問自己，有沒有為香港社會付上代價？」他指牧師的行為要配合宣道，講道時經常說要為信仰付上代價。「如果我可以為香港付出更多，點解唔做？人喺任何地方都可以敬拜上帝，耶穌、保羅、內地很多教友都曾經被拘留，下次佔中再被捕，我打算效法先哲，喺羈留室派聖餐」。
「小朋友話要去救我」
佔領遮打道當日，劉志雄坐在台下第一排，其間不時回頭，看見每個示威者的眼神充滿堅毅。被捕511人的抗爭熱情，感動到更多圍觀的人，「有好多教友支持我，教會有小朋友知道我被捕，同媽媽講要去救我，小朋友思想簡單，唔會覺得我示威犯咗乜嘢錯。點解年輕人越來越激進？因為佢哋覺得社會有問題。成年人掌握最多資源，有責任去建立一個唔需要年輕人抗爭嘅社會。𠵱家香港到咗關鍵時刻，即使教友政見不同，都應挺身而出」。劉志雄表示，人世間總有一些事情要對得住自己，再不行動，這個社會一定會惡化，抗爭起碼有改變的可能。