【本報訊】連續兩晚的世界盃季軍戰和冠軍爭霸戰，將球迷情緒推至高𥧌，儘管是凌晨開波，亦無損球迷外出睇波的熱情，逼爆食肆和商場，不少應屆DSE考生更通宵欣賞德阿大戰，然後齊齊迎接今天放榜的大日子。
昨日凌晨的巴荷季軍戰，力撐荷蘭的DSE考生黃曉駿嘲諷巴西為「巴西豆腐隊」，一攻即破，昨日剛巧是他的18歲生日，即約同10多名同學到茶餐廳邊睇波邊慶祝；面對放榜，黃同學直言雖擔心成績，不過大局已定，現在最好睇波減壓，「放榜前橫掂都瞓唔着啦，一於睇埋波先返學校攞成績表，之後返屋企瞓覺」。他還為其他DSE考生打氣，「唔使驚呀，香港出路大把，大家努力！」
不但學生哥有本錢捱眼瞓睇波，就連老闆級亦不眠不休趁熱鬧，經營工程公司的CK高𥧌時一晚睇足分組賽四場賽事，由凌晨零時直至翌日早上10時許，「瞓都唔瞓就直接返公司做嘢」。
【依波Live】即睇直播：
http://worldcup2014.appledaily.com/match/live
http://bit.ly/EballLive