周偉雄，46歲，街工葵青區議員。出身基層家庭，年輕時讀紡織，曾任出版社及報館市場部。07年起投身地區工作。「7.1當日我喺街工街站，晚上到佔領現場，手持攝錄機拍片，監察警方行動，也防止有搞事分子亂嚟。我見到警方拘捕時用不必要武力，按手、屈手我尚可理解，但點解要攻擊示威者嘅頭同頸呢？點解要擠壓示威者嘅面呢？」
外籍警察懶理洋示威者
「我喺大約7點45分被捕，10點幾才獲安排入黃竹坑警校。有CID拎出證物袋同公文袋，我問佢係咪要求我哋交出手機，佢冇講明，但又堅持派發，我惟有當紀念品帶走……好記得有位英國遊客Benjamin，警方由上車至2點前都冇人同佢用英文說明情況及拘捕理由，但我喺現場見過最少三名外籍警察，點解佢哋唔去說明呢？Benjamin簽嘅文件都係中文，可見警方準備不周。」
這幾年，周偉雄在區內遇到越來越多不快樂的市民，「我成長嘅香港當時機會處處，人人覺得周圍有好多發揮空間；但𠵱家產業單一化，年輕人都感到灰心。」