王璐瑤（LuLu）第三年推出寫真集，性感賣肉已驚喜不再，今次以食為主題，配以真人上陣為大家介紹美食，推出名為《你的LuLu女神美食週記》，實行性感加食色性也吸納另類粉絲。
擁有32D豐胸的LuLu絕不埋沒身材，她說：「自己親自訪問不同食肆推介食物，重點係今年本書係飲食書，可以堂堂正正入書展，等大家睇到書展文化唔一定係負面。」面對眾多𡃁模來勢洶洶，LuLu聲稱自己亦不弱勢，自認巿場比起其他女仔更廣，她說：「我巿場係老少咸宜，又可以吸納遊客，但唔代表我放棄宅男巿場，書中有好多性感相慰勞番宅男，仲有好多禮券附送，有信心銷量過三萬本。」
近年能在書展跑出的𡃁模不多，LuLu坦言：「舊年有睇過啲寫真，的確製作求其，例如喺一間房影晒就算，為出而出，有啲𡃁模只求搶眼，出嚟宣傳時飛吓釘、漏吓M，令到成件事冇高貴可言。」
採訪：卓寶花
泳衣提供：Kissin