今屆書展將於本周三在灣仔會展開鑼，除𡃁模寫真、黃夏蕙出回憶錄及陳錦鴻的《我和兒子的每一步》等等外，香港電視網絡（HKTV）一班編劇亦以「香港電視撈編十二人」名義推出新書《王維基百科》，細數HKTV主席王維基的熱血故事。
追足幾條村
書中還大爆港視早年挖角潮時，王維基曾相約無綫一位綠葉王斟過檔，無奈綠葉王拒絕之餘更借尿遁：「老闆等咗好耐先如夢初醒，立即上車追！問題係，老闆只知道佢住邊條村，但唔知邊個單位，於是，佢揸住架車，圍住幾條村一路兜……正常人都晨早放棄，但係老闆冇，反而拚死都要搵到對方！嗰種氣氛、嗰種情緒、嗰種不到黃河心不死之決心，竟然令老闆做出以下呢件事：佢竟然一面揸車，一面流出眼淚，仲拎咗部手機出嚟錄音，話：『今日係X月X號，我𠵱家喺……』（大意係，我人生裏面唔要有一件後悔嘅事！所以我一定要追！）」雖然作者未有透露綠葉王身份，但據知他正是李國麟。
王維基表示看過這本書後感到自責，他在序中說：「我非常失落及自責，因為我實在沒有能力維繫這個『家』……這本書對我來說，一方面鼓勵了我繼續撐下去，另一方面亦鞭策我，即使快要支撐不住了，都要撐下去。」本周五王維基還更會現身書展《王維基百科》推介會，力撐一班員工。
【依波Live】即睇直播：
http://worldcup2014.appledaily.com/match/live
http://bit.ly/EballLive