昨日天氣酷熱，陳嘉寶（Anjaylia）要去沙灘做嘢，當然唔少得喺微博貼靚相啦，Anjaylia微博留言：「今天要和超強大太陽對戰！沙灘帽 READY! 防矖噴霧READY!冰凍毛巾READY! 風扇仔READY! 太陽伯伯！我。係。唔。會。輸。比。你。嘅！另一張就係沙灘與美人，個美人就當然係陳嘉寶啦。
而過咗一陣，Anjaylia就貼咗條短片：「有可能是本年度最激影片！不看，絕對是你的損失，未滿18歲的青少年及兒童請在家長陪同下觀看。」
講到咁勁，原來條片係一條露點嘅片，咁當然，露點嗰個更係並非陳嘉寶啦，而係同佢一齊做嘢嘅阿Bob露點，其實Bob唔止露點，仲喺度「玩點」，相信抵死，除咗Bob同Anjaylia外，條片仲有其他藝人包括蝦頭﹑梁烈唯﹑許亦妮等，場面相當搞笑。
最正係Bob留言，佢鬧着玩質問Anjaylia：「妳竟然post出嚟？又話淨係我哋自己keep嘅？今次我咩形象都冇晒嘞！」