《基本法》委員會副主任梁愛詩昨日為死撐白皮書，將矛頭指向79萬參與6.22全民投票、51萬參加7.1遊行市民，以及1,800名參加黑衣遊行的法律界人士，指他們對《基本法》和一國兩制有誤解，「正正呢啲言論、呢啲行為，令到我哋覺得白皮書嘅發表係有需要」。民陣召集人批評梁愛詩侮辱7.1上街和參與全民投票的香港人，「對《基本法》有誤解嘅，唔係香港人，而係梁愛詩」。
記者：林俊謙
梁愛詩昨日出席親北京團體的白皮書座談會時，公開批評早前參與6.22全民投票、7.1上街，以及法律界黑衣遊行的港人，「有人認為反映中央對港政策收緊咗，又話破壞一國兩制、司法獨立，借此呼籲市民6.22投票，7.1上街遊行咁，法律界又黑衣遊行，但係其實正正呢啲言論、呢啲行為，係令到我哋覺得，白皮書嘅發表係有需要嘅，因為有好多人真係對《基本法》同一國兩制有誤解」，認為港人應該「分清楚黑白是非、唔好人云亦云」。
「中央畀幾多就有幾多」
梁愛詩又將一國兩制在港實施時遇到的新問題，推到港人身上，稱「香港社會仲有啲人未完成適應歷史轉變」、對一國兩制和《基本法》認識模糊、「片面嘅理解」及「唔正確嘅觀點」，中央發表白皮書「就係想將呢啲問題點出嚟」。梁更訓斥港人應該準確把握一國兩制概念，就是中央一直在港擁有「全面管治權」，香港高度自治「唔係全面自治，亦唔係分權、討價還價、同中央談判」，而是「限於中央畀幾多就有幾多」，一國之內的兩制「唔係等量齊觀、唔係平起平坐，係有上下嘅」。
除了梁愛詩，全國港澳研究會會員、中國政法大學法學院副院長焦洪昌，昨出席另一白皮書講座時亦力撐白皮書，他指中英聯合聲明本質上「並非國際條約」，聲明中的主權過渡，其實暗含「恢復全面管治權」意思，認為白皮書提出中央對港有全面管治權並非新概念。焦又聲稱香港政治發展的大前提，必須按中國憲法進行，一國兩制「從來是不同層級制度，兩制並不對等」。
民陣召集人楊政賢批評，梁愛詩昨日發表的謬論，侮辱了79萬參與和平佔中全民投票，以及51萬7.1上街的市民，「對一國兩制有誤解嘅，唔係香港人，而係梁愛詩」，指當年中央要求港人支持回歸時，曾承諾給予港人高度自治、一國兩制，「今日佢哋推出嘅白皮書，內容明顯扭曲當年承諾，講法根本係搬龍門」。
對於梁愛詩和左派人士死撐白皮書，強調一國高於兩制，楊政賢批評，白皮書內容並無法律基礎，「如果香港高度自治係中央想畀幾多至有幾多，唔係根據當年《基本法》咁寫，咁完全唔係法治，而係人治，香港人唔會接受」。
【依波Live】即睇直播:
http://worldcup2014.appledaily.com/match/live
http://bit.ly/EballLive