【壹週刊】近日千隻熊貓齊集元創方PMQ，令原本舊警察宿舍風頭一時無兩。但講到舊建築活化，香港一定輸新加坡幾條街。
成功例子包括著名地標萊佛酒店及浮爾頓酒店。Sofitel So Singapore位於新加坡中心地帶，交通便利，六層高嘅大樓建於1927年，最初係電報公司，兩年前先改建成酒店。酒店設備充滿玩味，力sell 新加坡及法國情懐，如果處可見六角圖形，就係新興象徵好連嘅符號。房間樓底高三米，加上灰白色嘅牆身及鏡面梳妝台很有巴黎風情。天花燈設計特別，似身處教堂中，感覺好新奇！
全房採用高科技，燈光、冷氣、及窗簾都係用iPad 控制，房內電話用IPHONE，智能電視可以用鍵盤來睇報紙、叫Room Service，好方便。Sofitel So 只有一間餐廳酒吧及天台泳池，由法籍總廚主理，餐牌內唔分前菜主菜，反而味道就可做分類，每款亦有大中小三種分量可選。
天台泳池以金磚砌成，入夜後四周摩天大樓開晒燈，盡顯都市繁華氣派，唔鍾意被人望住游水，亦可以酒吧飲番吧，欣賞夜景。
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android