成家立室讓52歲「美魔男」杜德偉更專心事業，鏡頭前情歌冧爆歌迷，回家後就是嫰妻李曉冰（Ice）的溫柔人夫。他日前接受本報專訪，自爆閨房秘密，當與老婆一旦爭拗，不介意對錯都攬上身，堅守老婆永遠是對的格言，他深信大愛可維繫夫妻恩愛。
撰文：比華利
杜德偉最近把音樂基地由台灣移返香港，主要是前年「得米」娶了嫰妻李曉冰，他仍是獨身時，雙親先後離世，未有一個家可留住杜德偉，升呢做一家之主的他馬上改觀，他日前接受專訪說：「父母走咗，我對家嘅感覺淡咗，有咗老婆，我融入咗佢娘家，突然多番家庭成員。」
Ice雖比杜德偉年輕24年，但她由拍拖到結婚已把杜德偉照顧妥貼，他說：「老婆湊大四個妹妹、一個細佬，好就得人。我哋都有拗撬，佢性格都有堅持，仲會倔強到我必須遵從。」避開Ice的堅持，杜德偉索性以柔制剛，令夫妻關係更和諧。
「準備生BB」
原來Ice堅持是跟杜德偉的閨房小秘密，他爆料：「佢要我哋瞓之前，無論幾攰，都要聽對方講嘢，時間長短唔緊要，不過要真心真意。」Ice除堅持每晚夫妻盡訴心中情，還有嗌交不可有隔夜仇，他說：「我哋嗌交最長5分鐘要熄火，冇嘢係絕對啱或錯，只係觀點與角度，既然咁我不如快啲當自己錯，say個sorry就算。大家都結咗婚，唔通仲困獸鬥咩，嗌交盞攞嚟辛苦。」
杜德偉認同夫妻相處是一門高深學問，他說：「出事往往因為彼此之間冇愛，或者唔夠愛，有大愛就唔會有事。」Ice絕對是杜德偉大愛泉源，兼且還是老公超級粉絲：「係老婆鼓勵我重返香港樂壇，佢話我要企番上舞台，一定要企上紅館。」杜德偉早前還心大心細要否造人，訪問當日已有計劃：「我哋一定會生，計劃要逐步實行，我搞完巡迴演唱會，ready好就會準備生BB。」
【依波Live】即睇直播：
http://worldcup2014.appledaily.com/match/live
http://bit.ly/EballLive