【本報訊】報讀明年小一又開始，直資名校英華小學昨首日收到750人報讀，比去年首日報名多出36%。面試9月起進行，校長林浣心直言面試「魔鬼」就在細節中，她的「法眼」只需10秒，即可秒殺無禮貌和討厭讀書的學童，更能看透講大話家長。
記者：倪清江
英華小學是最早舉行小一入學講座的學校，昨、今共舉行五場，有4,000人登記出席，這兩日講座後接受即場報名，昨收到750份申請，較去年首日多出200份；其他家長可於本月16至19日到校交表。
報名表分A至F六類：A類是給與學校沒有關連學童使用；B至E類是給學生弟弟、教職員兒子和直屬中學英華書院校友兒子等；F類是今年新增，只限深水埗近40間學券制幼稚園校長，每校推薦一人報讀。
三輪面試由9月開始，所有A類學生均需參加首輪面試，當中表現優異800人可晉級次輪面試；B至F類學童則直接參加次輪面試，料有100多人。
面試不看證書 觀察言行
多間私人教學中心昨派人在校外派面試班傳單，林浣心在台上叮囑家長不要安排兒子參加，「通常第一堂係教禮貌，但禮貌應喺屋企學，（參加）會有反效果」。她表明不是要十八般武藝皆曉學童，因此不會看甚麼證書，「有家長話個仔學埋代數，咁即唔使學啦！」
學童在一小時的首輪面試內，除要跟老師談話外，其餘時間可看書或繪畫，場內另有兩名教師專責觀察學童言行，進行評分，林校長笑言：「細節裏面出魔鬼，好多學校都係咁。男仔（參加面試）一個鐘，會現晒形……通常考唔到入嚟，係冇禮貌嘅小朋友」。
晉身次輪面試的學童，五人一組接受校長及副校長考驗。已擔任英華校長10年的林浣心，直言看他們10秒即可決定通過與否，「（學童）有安全感、對人信任、成日有陽光，你冇樣樣嘢經歷過，唔會有嗰啲表現，所以10秒就見到」。她指學童被父母逼迫而顯得討厭讀書，「係有樣睇！」
「有乜父母 有乜細路」
即使逃過林校長「法眼」，但在15分鐘面試時間，學童也易被踢走，「一個環境刺激吓佢哋，真性情就出現，如爭凳仔坐、人哋睇書時喺度嘈同唔耐煩、人哋唔識讀時笑佢哋等」。
三成次輪面試表現優異的學童，需與父母在第三輪一同再見校長。此時林校長的視線會顧及學童反應，就如有次有位父親讚賞其子如他一樣守規矩，又像媽媽一樣早睡早起，怎知童言無忌爆了父親說謊，「爸爸你剛才衝紅燈呢，我同媽媽每晚午夜後才睡覺」。她指有很多講大話家長，「佢哋想impress（加深印象）你，講到學校天上有、地下無，但轉個彎就通知聲都冇，去咗第二間。有乜父母，就有乜細路！」
該校小一學費每年1.5萬元，共有五班155個學額，去年有3,901人報讀，平均25人爭一席。
家長心聲
憂心中文
劉太：
「有禮貌係基本，平時出出入入都要講thank you；最擔心囝囝中文，因為佢讀緊國際學校。」
競爭激烈
歐陽太：
「成4,000人出席，但唔會太驚，因為好多間學校都係咁上下情況，競爭其實好激烈。」
【依波Live】即睇直播:
http://worldcup2014.appledaily.com/match/live
http://bit.ly/EballLive