【引發反思】
夢想很美，但實踐的路途，卻漫漫。自言性格穩陣的胡海輝，中大英文系畢業，醉心藝術，在演藝學院邊教書邊創作，單身的他一年多前辭職，賣了自住單位套現，買下葵芳工廈單位全職創作，重組劇團「一條褲製作」，任藝術總監，「自置物業唔使受業主氣，𠵱家仲係貼錢打工，但可以做鍾意嘅嘢，好值得」。有人說，男人四十由零開始很冒險，他就說男人四十仲唔變，恐怕太遲。看事物，從來可以有兩個角度。
「以記錄劇場方法創作舞台劇，一直係我嘅夢想」。頭炮小試牛刀拍菜園村，下月在文化中心上演的《1967》，是重頭戲，「05年我已想以記錄劇場方式創作，以秀茂坪童黨燒屍案為藍本」。當年仍在演藝教書，花了三個暑假搜集資料，尋訪死者家人及參與輔導社工，波折重重，「由於涉及謀殺案，比較敏感，涉事者大都不願再提」。
想法不同才是民主自由
今次以1967年為題，困難也不少，「事隔久遠，有啲記憶變得含糊，加上受訪者立場南轅北轍，整理上需要較多時間」。由膠花廠的勞資糾紛，引發大規模暴動，一邊是反殖左仔，另一邊是嘗過大陸反右苦果、擔心香港赤化而支持政府的維穩派，各為其主，「每個人理解嘅所謂真相，其實好唔同」。但胡笑言，100人有100種不同想法，正是民主自由之可貴。對於創作人來說，引發反思應較尋找所謂真相來得更重要吧？
《蘋果》記者