【捍衞粵語】
教育局網頁早前指廣東話為「一種不是法定語言的中國方言」，激發起次文化堂在書展推出《香港粵語頂硬上》（圖）一書，反對普通話教中文政策。
中學生不憤番茄變西紅杮
彭志銘表示，教育局4月有關論調一出遭強烈反彈，學者、文化人、老師，甚至中學生撰文反對，結集成《香港粵語頂硬上》，「呢本書有40個作者，包括專欄作家陶傑、吳昊、劉天賜、鄧小樺等，但最令我印象深刻係一個中學生木子嘅親身經驗。」
彭指出，木子等學生受「普教中」困擾，「木子話從細到大都係講『去街巿買番茄』，但𠵱家咁樣寫係錯，得零分；要寫成『去菜巿場買西紅杮』先啱」。他說，這部書捍衞廣東話，「廣東話先係中原人語言，中國人正統，普通話係外語，教育局提倡普教中，明顯係中共當權人獨裁，想統一語言，滅咗廣東話。廣東出版商受壓唔敢出書反對，香港出版商要出嚟發聲」。
《蘋果》記者