阿迷最期待嘅畫面出現了！阿歷斯山齊士（圖）終於正式成為槍手，以3,000萬鎊（約3.9億港元）由巴塞隆拿來投，周薪更加只係14萬鎊。相信奧斯爾會好開心，因為呢位德國中場嘅直線，終於有人接應到！唔怪得大眼仔都喺Twitter歡迎山齊士加盟啦。除咗山齊士，阿仙奴都準備以2,400萬鎊收購基迪拉。另外，有傳馬德里體育會右閘查維文基路都係雲格嘅目標之一，不過之前講過嘅雷米因為個人條件傾唔掂數，好大機會觸礁。另外，今季開始槍手波衫會轉由「美洲豹」贊助，佢哋周四晚喺倫敦嘅泰晤士河舉行咗發佈會，仲大玩水幕投影，將阿仙奴球星同埋下季最新嘅波衫，喺泰晤士河夜景嘅襯托下，投射喺大家眼前。嚟緊一季就有新波衫同球星加盟，應該可以帶嚟一番新景象。
【依波Live】即睇直播：
http://worldcup2014.appledaily.com/match/live
http://bit.ly/EballLive