最近同廣告界幾位老友吹水，佢哋話最近有兩位紅女星「小丸子」同「哈比女」係廣告界鬼見愁，如冇必要都唔敢搵佢哋做代言。話說小丸子早排幫某護膚品拍廣告，廣告商要求佢講一個口號，而呢個口號個品牌係用咗好多年，但小丸子覺得太Hard Sell唔肯講，當時廣告商當然企硬，話合約寫到明要講，唔講會告佢毀約，咁小丸子即場爆喊，話人欺負佢，個經理人做好醜兩邊𠱁，結果廣告商改咗少少字眼，佢先至肯講，不過品牌總公司負責人睇完片就好嬲，話咁多年沿用嘅口號點可以為佢改，所以寧願成條片唔要，飛咗佢算數。
劈炮唔撈
後來小丸子又接咗另一個名牌服裝廣告，但佢喺拍攝現場唔老嚟人哋嘅拍攝手法，結果人都走埋，隔日就賠錢解約，激到個客死。 好！講住咁多，下次再講哈比女嘅故事。