如果你呢期仲追小米同紅米，咁好對唔住！你可能唔係太追得貼個市喇！今個星期腦場熱賣手機焦點，係ASUS Zenfone 5 A501CG，雖然係雙核設計，但好認真同你講，佢係行Intel Atom Dual Core處理器囉！喺穩定性方面，絕對強過MTK嘅四核好多，而且好多人用完後反映，操作手感同運算能力，同MTK嘅四核絕對不遑多讓。
不過最重要都係價位，2GB RAM就係硬掘，8GB ROM版$1,199、16GB ROM版$1,299，聽講比較多人揀係16GB版，而且機身仲有埋雙卡雙待同3G通話；如果話比較差嘅一處，我覺得係個芒，5吋大就大喇，不過解像度得1,280 X 800，顏色相對比小米芒淡少少，不過話晒台灣機喎、仲要華碩老牌子，感覺好似幾穩陣。
訊達科技（深水埗福榮街146-152號黃金商場地面54號舖）