【本報訊】「就咁睇，德國好過阿根廷好多啦！」作為資深德國躉，蔡子強指球隊今屆是自1982及1990年後又一高𥧌，球員全部本土青訓出身，稱得上是「黃金一代」。對比阿根廷「碌碌吓又一場」，他認為德國表現理想，「應該係佢攞冠軍」。
蔡子強由1982年起支持德國，「前鋒有賀巴殊，翼鋒有列巴斯基，仲有個球王級路明尼卡」，一個個經典名字從他口中娓娓道來。
蔡子強指球隊在1996年奪得歐國盃後「家道中落」，接連幾個大賽分組賽止步，最終在名宿碧根鮑華帶領下重建青訓系統，「湯馬士梅拿、馬里奧葛斯、舒爾利，全部都係本土訓練出嚟」，成為今屆世界盃主力，被他形容是「黃金一代」。
拒講波怕俾人噓
德國繼1990年後，再次在世界盃決賽迎戰阿根廷。蔡稱今屆阿根廷與當年表現相似，「踢出嚟又唔漂亮，碌碌吓又碌過」，提起上場對荷蘭比賽更忍不住說「你唔係吖嘛」，只看30分鐘已知必定射12碼，「如果阿根廷贏咗足球以後咪好沉淪？」他認為最終結果仍會是德國取勝。
決賽當晚中大百萬大道有睇波活動，蔡將會出席但不會旁述，「好似班專講廢話評述員咁只會俾人噓」，若只是開賽前及中場時預測分析，「打吓牙骹就冇問題」。
他指數百人一起睇波是一種體驗，在家中興奮大叫會被鬧，「喺百萬大道你點嘈都得」。
【依波Live】即睇直播：
http://worldcup2014.appledaily.com/match/live
http://bit.ly/EballLive