【壹週刊】有錢有面，究竟有無樣睇？幾位富豪李嘉誠、李兆基、鄭裕彤及大劉等，都有一個共通點，就是面有大粒癦，只是位置不同。小宗老友找來麥玲玲師傅細心睇癦，搵出四款類型。
嗱，四叔粒癦係眉頭，原來叫「禾桿冚珍珠」，算是正癦，為人聰明，仔女運亦唔錯。港交所李小加行政總裁都生正呢個位。不過兩位小心，隻手會較易整親。
而誠哥嘴下面呢一粒，同前國家領導人毛澤東嗰粒屬「同系」，名堂叫「海底尋珠」，晚年運唔錯。玲玲師傳還說：「彤叔係左邊面呢粒，叫「桃花癦」，女人就風騷，男人就風流！算唔算好癦見人見至。」
大劉面上嘅癦多到有十幾粒，最突出係眉中間嘅「御龍珍珠」；無論錢銀、女人，都容易你爭我奪，易惹官非。大劉想甩身？可能要脫左呢粒招牌癦播！
玲玲師傅話，除了睇癦，仲要睇命格、祖墳同面相。幾位富豪，外貌屬厚重，並不單薄，容易獲生意伙伴信任。咁邊個單薄？師傅即刻話CY，「佢叫做青雞面，講過嘅話唔算數。唔係話佢一定唔成功，但呢類相，佢得就全香港人唔得囉！」
iPhone版下載： http://goo.gl/1SDaWF
Android版下載： http://goo.gl/xfQS8D