張耀揚涉吸毒嫖娼被捕，事件震驚中港台娛樂圈，與張耀揚合作過《古惑仔3之隻手遮天》的謝天華、余文樂等亦感到非常驚訝，而洪欣坦言用作反面教材，警惕兒子。
謝天華：
聽到消息好替佢擔心同驚訝，最近見佢喺今年農曆新年，去澳門佢公司飲春茗，佢都有一段日子冇拍戲，當時至知佢搞公司。
洪欣：
我同佢有合作過，佢畀我嘅感覺好健康，成日做運動，唔似係咁，好多呢啲新聞都唔驚訝。我都會教個仔，同佢講，不過佢好大反應，話我儍嘅咩，唔使講都唔會啦！
余文樂：
《無間道2》同佢合作過，就算壓力大都要愛惜自己，唔好做犯法嘢，內地未試過有人叫我試，大家知我唔好呢樣，酒都少飲。
谷祖琳：
同佢合作過《江湖告急》，但冇同場，吸毒梗係唔應該，我都係啱啱聽到呢個消息。
羅霖：
好震驚，內地法例好嚴，公眾人物要小心啲。