【亂噏24】要做成功的明星，單純擁有美貌是不夠，際遇同樣重要。港姐冠軍楊思琦感受最深，近年的流言蜚語，對她打擊甚大。黎智英勉勵她凡事要由「心」出發，為明天做好準備，一切便來得心安理得且無所畏懼。讀者可在 http://bit.ly/appletalk24重溫今集《亂噏24》。
撰文：馮國康
楊思琦貴為港姐冠軍，美貌當然毋庸置疑，但在無綫際遇麻麻，發展多年始終鬱鬱不得志，她說：「即使你好想去做，但冇機會畀你做。」柳俊江認為她最傷並非際遇問題，而是被網民誤解及攻擊，他說：「尤其係你生咗ＢＢ之後，我睇到好多網絡攻擊，有冇搞錯，咁樣去對待一位媽媽？」思琦承認這一兩年的負面新聞對她打擊甚大，黎智英（肥佬黎）卻認為這是好事：「令到你堅強好多，同埋你有自信就唔使理人哋講咩。」
生B不是犧牲
即使被無數流言蜚語中傷，思琦也沒有去解釋，她認為毋須向外人交代私人事，她說：「我嘅年紀生小朋友都啱，生咗出嚟，大家唔認識我，唔知我究竟乜嘢原因，我又冇必要同人講乜原因。」當然有人會狐疑為何她會在事業高𥧌時選擇生ＢＢ，她說：「對於我嚟講，我唔覺得係犧牲。你做電視未必可以拍到老，唔通去到老時演媽媽角色、演婆婆角色？起碼都要有自己下一代！呢個係每個人經歷，雖然話未必有一個好嘅伴侶喺身邊。」
肥佬黎相當支持思琦的說法：「我覺得人去到最後，最舒服、最安樂就係追求簡單。」又指做人最緊要由「心」出發，他分享其處世之道：「你用腦去諗嘢，再聰明都唔知聽日發生乜嘢事；但你用個心去諗嘢，就算唔知聽日發生乜嘢事，但你已經為明天做好準備。」
做食肆要突圍而出，就要有噱頭及自家特色，柳俊江即場想到一條屎橋獻給譚小環︰「索性做一種小食，叫做『譚小環』！」小環可以是薯圈，又可以是魷魚圈，一啖一小環，好食冇得彈。原來小環當初曾考慮過在屋邨開舖，因為不想捱貴租，後來被老公說服，她說：「老公話銅鑼灣人流夠，雖然要成十一萬租，但佢覺得都有得做。」徐緣不禁慨嘆：「香港啲租真係癲㗎！」
有幫襯有合照
在社交網絡年代，只要有諗頭，必定可收宣傳效應，就如藝人多渠道自我宣傳，徐緣說︰「就好似夏蕙姨，最近要搞個生前葬禮，要瞓棺材，就係要令自己keep住人氣。」徐緣研究過不少英國食肆的營銷個案，可以利用有限資金達到最高宣傳效果，他說：「你知𠵱家去餐廳食嘢，相機食先。你幫啲食物影張相，再放上去Instagram或者twitter，呢件食物就免費。」香港都有食肆懂得這種營銷伎倆，徐緣說：「以前有間餐廳，你埋單時大叫個老闆靚仔，就有八折！」原來小環已用了這一招，每當客人幫襯，就有機會跟她合照。
肥佬黎認為做飲食業，切忌是慳，因為食材是最重要一環：「點解日本仔啲嘢咁好食？好簡單，一覺得差少少就丟，或者畀同事食，但一定唔會畀客人食。」丟棄食材始終太過浪費，柳俊江便跟肥佬黎唱反調：「啲嘢唔好丟，捐咗去，對舖頭都好正面。」
柳俊江數辛酸
做明星辛苦是常識吧，但原來做新聞王子也不遑多讓，少點幹勁毅力都不行，柳俊江（左圖）憶述當年在大台的非人生活，他說：「唔同嘅辛苦方法，成日好大壓力要趕deadline。我試過最高紀錄50粒鐘，不斷做嘢冇瞓過，寫稿、book機票、搵車、出鏡，仲要傳埋片，全部一腳踢。」
徐緣覺得總有得着︰「經過呢啲洗禮訓練過，冇理由搞唔到自己嘅平台！」
服裝:ANTEPRIMA
做生意賺錢其實唔難 專注先至難！
http://bit.ly/talk245211
廚餘咪亂掉 小環想做捐贈大使！
http://bit.ly/talk245212
2歲BB好好玩 識得駁嘴o氹死人
http://bit.ly/talk245213
網絡攻擊好大打擊 思琦唔心息
http://bit.ly/talk245214
地產霸權趕絕魚蛋 租金都要11萬
http://bit.ly/talk245215
拍戲拍得幾耐？藝人都要有下一代！
http://bit.ly/talk245216
讚老闆靚仔有折頭 宣傳要有好諗頭！
http://bit.ly/talk245217
想食咗譚小環？煮畀你慢慢嘆！
http://bit.ly/talk245218
要紅就要瞓棺材？搞新聞是常識吧
http://bit.ly/talk245219
做新聞要好全能 50粒鐘做到暈
http://bit.ly/talk245220