民建聯葛珮帆EQ前日投訴長毛着短褲唔莊重，煩到長毛被主席曾鈺成勒令換褲後，噚日全日唔見佢現身立法會，網上更流出一段其膠論片段。話說曾鈺成前日宣佈會議結束後，EQ即再展煩功，大嗌「主席，我要求澄清呀。主席，我要求澄清呀」，遭阿曾斷言拒絕後，EQ原本應該熄咗嘅議員發言咪，竟然意外地冇熄到，錄到佢向阿曾撒嬌話：「點解唔畀我講埋箒，仲有一分鐘都唔畀，我聽日唔返嚟吖嘛」，唔少網民聽到佢撒嬌都嚇咗一嚇。
前日被投訴嘅長毛噚日朝早一開會，即寸EQ得閒作無聊投訴卻唔得閒開會，下晝仲捲起牛仔褲以「短的長褲」look殺入議事廳，成功逃過阿曾法眼如常開會。