有參與7.1學界預演佔中嘅嶺南大學學生，因為不滿嶺大校長鄭國漢全程隱形，冇好似港大、中大校長咁，表態協助被捕學生，早前喺校內壁報板貼上「尋人啟事」，惡搞鄭國漢，指鄭國漢喺學生被捕後「下落不明」，呼籲各界協助尋人，知道鄭國漢下落後請即聯絡校長室。
校長室事隔多日後，前日突然先發現聲明，但唔係表態撐學生喎，只係澄清早前幅「尋人啟事」雖然印咗校長室嘅電話號碼同電郵地址，但唔係由嶺大校長室發出。至於鄭國漢去咗邊？點解至今仲未現身就學生公民抗命爭普選表態？個聲明提都冇提，似乎想搵校長幫手嘅被捕學生，仍要繼續「尋人」。