【本報訊】容樹恒醫生形容與足球的關係像戀人，恐怕他要跟11歲的兒子容卓朗「拗手瓜」。在他的耳濡目染下，卓朗也是個愛踢波、愛看球賽的足球小將。世界盃舉行以來，兩父子不時會一起睇波，他們各有支持愛隊，現時卓朗支持的德國坐亞望冠，父親支持的荷蘭則只能力爭季軍。
容醫生稱從沒迫使及引誘卓朗喜歡足球，「一直寬容畀佢參與自己鍾意嘅運動」，但一次有意無意帶卓朗接觸足球，他便瘋狂愛上。
8月現場欣賞英超開鑼
從容醫生的facebook可見，兩父子近日不時一起看球賽，相當融洽。容說︰「佢理解世界上所有足球聯賽嘅資訊遠遠多過我，對世界盃嘅投入亦強過我。」他透露，已計劃8月與卓朗飛往英國和德國，現場欣賞英超和德甲開鑼。
他笑指讀小五的卓朗足球踢得不錯，「今日嘅訓練系統比當年進步好多，比當年五年級嘅我好波」。他慶幸卓朗能同時兼顧學業，成績不錯。
容醫生當年為了學業前途，聽從父母決定放棄足球，被問到將來會否幫卓朗決定前途？他笑稱︰「第時佢鍾意做咩，隨佢自己興趣，我冇限制，唔會幫佢揀，如果佢問到我，我會畀意見。」
【依波Live】即睇直播：
http://worldcup2014.appledaily.com/match/live
http://bit.ly/EballLive