【改變人生】
【本報訊】喜歡踢足球的人都有一個世界盃夢，近日頻頻在報章及電台曝光講解足球員創傷的中大醫學院運動醫學科主任容樹恒，年輕時也熱血過，曾是香港一甲組足球隊的青年軍，夢想做職業足球員，惟當年在前途與足球之間，他選擇了前者，最終當了醫生，但足球始終圍繞他的生命在轉，他形容：「我同足球嘅關係似一對戀人，有開心、挫折、受傷，但一路維持持久嘅關係。」
記者：韓耀庭
容醫生日前身穿醫生袍在威爾斯親王醫院的辦公室接受訪問，憶述他如何愛上足球：「小學四年級開始接觸足球，開頭玩玩吓，喺街場、維園（足球場）跟隊，但太細個冇得落場。上到中學除咗踢校隊，亦被青年軍球探喺校際比賽捉咗去加入甲組青年軍。」
容中三至中六時都在海蜂足球隊的青年軍跟操，那時候要長途跋涉去練波，加上教練注重體能訓練，他對當時的艱苦記憶深刻，「放暑假，我由灣仔坐長途車入去石澳，喺沙灘做體能訓練，烈日當空下一練就練三個鐘；跟住又逼巴士去西環石地足球場練波，一個禮拜練四日，辛苦但都幾enjoy，鍛煉到意志同體能」。
容說，當年香港足球風氣盛行，甲組球隊精工、南華、寶路華人所皆知，「場場波大球場二萬八千個座位坐滿晒」。他坦承當時有天方夜譚想過當職業足球員，幻想踢甲組甚至香港隊，但自己水平不是最Top，加上當時升讀中七，無法兼顧學業與足球，在父母「幫忙」決定下，終退出海蜂，專心讀書，最終入讀中大醫學院，踏上行醫之路。
重傷出入醫院愛上骨科
容在大學時代仍有繼續踢足球，在代表香港大專隊出戰廣州體育學院一場足球比賽中，與對方球員相撞後前十字韌帶斷裂，遭受重創。他說：「足球真係間接改變咗我一生，當時因鍾意小朋友而打算將來揀兒科，但我重傷後遲遲唔做（十字韌帶重建）手術，仲繼續踢波，搞到經常再傷，後來成日出入醫院同骨科師兄熟咗，慢慢培養咗對骨科嘅興趣，結果畢業後就揀咗做骨科（醫生）。」
容現時為不少職業足球員治療因踢足球留下的創傷，笑言其受傷經驗可助足球員治療和康復，強調「我至今始終冇脫離運動、足球」。容受訪時足球不離手，技癢時更即場示範連續控球，「我會用戀人去形容我同足球嘅關係，因為足球會有開心事，亦會有挫折，比如輸波或者受傷，戀人亦一樣，大部份時間會開心，但總有拗撬，不過最重要係一路都持久咁維持住呢段關係」。
【依波Live】即睇直播：
http://worldcup2014.appledaily.com/match/live
http://bit.ly/EballLive