噚日講咗瑞士崛起，今日就講吓比利時先，呢支「歐洲紅魔」對上兩屆世界盃都喺外圍賽出局，今屆就打到8強僅以0:1敗於阿根廷腳下，所以有唔少朋友都會話：「原來比利時踢波咁叻㗎！」擁有「紅魔」呢個稱號，當然來頭唔少，比利時喺1986年取得世界盃殿軍，其後4屆世界盃都打入決賽周，實力不容置疑。只可惜踏入千禧年後就青黃不接，比利時於是集中青訓發展，建立一套國家隊嘅打法，今屆世界盃可以話係收成嘅代表作。
贊奴沙後生靚仔
唔單止同列強勢均力敵，而常規正選嘅11人當中仲有8個係25歲或以下，活力一定夠，可惜始終大賽經驗不足。不過紅魔勝在唔少具潛質嘅靚仔，包括梅頓斯、贊奴沙（圖）、艾達韋列特等等，絕對值得大家繼續留意，下屆世界盃應該會有更好表現。
「黑社會踢波」係咩？
今日講番個冷笑話先，大家知唔知咩叫「黑社會踢波」？當然唔係講踢波踢到好暴力啦，而係指兩支球隊都利用高空波傳波。唔明？咪即係「互斬（波）」囉！
陳婉婷
太陽飛馬助教
【依波Live】即睇直播：
http://worldcup2014.appledaily.com/match/live
http://bit.ly/EballLive