近年成了年輕人流行玩意的懸崖跳水，早前發生的18歲中六生大樹灣海蝕洞跳水溺斃事件，並未有喚醒年輕人的關注。原來不識死的不只是年輕人，被稱為跳崖勝地的西貢四疊潭大人、小孩徒手攀到10米高崖頂，從陡峭石壁上躍下，頭撞大石隨時喪命，被專家形容如同玩命。
記者訪問在場樂此不疲滿臉興奮的跳崖友究竟知不知道很危險，答案令人O嘴，要是危險，政府有關部門應該出危險警告才是！原來漁護署在上址四周確有豎立警告牌，指「水深危險切勿嬉水」，但竟被連根拔起棄置在垃圾箱附近，擺明當冇到。又有說只要小心跳就得，唔使驚咁話！又係，個個都咁好彩，怎會有意外？手機網絡無訊號難以求救？何用擔心，只怪我厚多士！
講開又講，銀行未見有豎立警告牌禁止打劫，打劫點解要坐監？如此類推，殺人放火打家劫舍無惡不作，原來只能靠天收？自己條命要點玩照道理關人鬼事，但明知打大風，風急浪湧依然上山下海夠刺激，出了事理應自救自己搞掂，何須要救生員、消防員、警員、潛水員甚至直升機駕駛員，冒生命危險搶救？Common Sense死咗我早知，只是不知原來死字點寫都不用識。冇腦最多冇思想，呆蠢笨確是冇藥醫，但絕對不會死人。自以為好有思想好有腦，但其實個腦是殘的！
古人有云：欺山莫欺水。此山乃是指爬山，不是攀山攀懸崖。山上起碼看得見，日出日落可知方向，水底下的情況有甚麼危險從水面憑肉眼根本看不出，那是玩命，不是冒險。這些一刻之勇的所謂膽識，逞來毫無意義。
一理通百理明，想深一層，做人做事，其實何嘗不是？
張慧敏
http://www.facebook.com/HKcareerdoctor