張智霖（Chilam）於紅館一連三場的「Chi Lam Crazy Hours Live 2014」演唱會前晚圓滿結束，這第二次紅館騷，終於讓Chilam完成夢想，他介紹嘉賓張學友出場時，用反話激讚：「請佢係一個錯嘅決定，因為請學友真係好危險。」果然學友以一曲《李香蘭》出場，全場觀眾即時興奮大叫，之後Chilam和學友合唱《吻別》，Chilam激動得五體投地，更半跪抱住學友的腳，相當癡纏。
觀眾孭魯芬BB
請得偶像大駕光臨，Chilam識趣地為今日生日的學友慶生，並安排性感舞蹈員推蛋糕到台上，學友搞笑地說：「我家教好嚴，好少有咁多性感嘅女仔同我一齊生日。」
遊戲部份，男觀眾擲骰中了魯芬BB，要背着魯芬BB在台上走，但因魯芬BB太重，男觀眾差點跌倒。還有，鄭欣宜扮一隻紅衣肥妹鬼跟Chilam合唱《片片楓葉情》。
慶功宴上，Chilam提到六嚿腹肌的故事，他說：「要做萬幾下sit up得來，冇信心可以keep咁耐，不過老婆同個仔都有叫我keep。做演唱會壓力好大，之後一家人去陽光海灘休息吓。」
Chilam又表示最難為又最難請的嘉賓是老婆袁詠儀，他說：「其他人一口答應，唔知點解佢咁深思熟慮，上台之後我就知因為佢唔記得歌詞，不過佢係令我最難忘同最感動，氣氛好感人，難能可貴，因為比起排幾多隻舞，唱得幾咁天籟，都冇真感情咁動人、咁無價。」
盛品儒誓箍煲
此外，Chilam演唱會前晚有老婆、囝囝和媽媽及不少圈中好友撐場，其間還發現夜店面試𡃁模被有米女友蔡一鳳狠飛的盛品儒，一個人悶悶不樂看演唱會，之後他在昨日凌晨於facebook突然再表態「要箍煲!!…」而在個唱中Chilam隨口叫人買德國波膽客其他，馬會即場賠率顯示為125倍，他的髮型師照跟10元就中了1,250元。
採訪：張俊銘
攝影：仇志德
