阿根廷對比利時，是但台旁述員話：「咦！阿根廷迪米捷利斯做咩無情情剪咗個咁嘅頭呀？頭髮短晒我唔認得佢呀……」心想，藍白軍中長髮變短的大有人在，防中加高，甚至單天保至尊美斯很久以前，都齊齊長髮披肩。旁述員究竟認唔認到球員呢？比利時費蘭尼、韋素，在旁述員口中又係無名嘅，只係被稱為爆炸頭、小爆炸頭。原來，綠茵場上的髮型，不啻是雷射商標，提防假冒。
足球作為一種對抗性的劇烈運動，長髮固然為長時間場上奔跑帶來負荷。然而，在當代景觀化和鏡頭化的足球表演事業，球員在髮型上各出奇謀的亦屢見不鮮。上周新聞報道哥倫比亞名宿「金毛獅王」華達拉馬，復出踢慈善賽，爆炸金髮依舊，Q嘜保證。名留（足球）髮史的，還有長髮一族阿根廷巴迪斯圖達、風之子肯尼基亞、墨西哥靴南迪斯、意大利派路；另類髮型，當然也少不了巴西朗拿度仙童頭、荷蘭古烈治辮子頭。世盃開鑼前，古烈治來港以Skin Head示人，老實講，我完全唔認得佢。
翻查資料，2002世盃的尼日利亞後衞韋斯特，一頭襯（波）衫的綠色頭髮，無疑非常搶鏡。但我印象更深刻的是同年世盃，碧咸有一名貌似隨身助理兼髮型師，賽事中碧咸搶頂後髮型塌下或紋理移位，助理即殷勤加Gel，儼如明星化妝師，把星級髮型捍衞到底。
當然，本屆最佳髮型非C朗莫屬，他的鏟青大V圖案，無論是否一如傳聞中來自對開腦病童的支持，的確係幾型。
文：梁偉詩
【依波Live】即睇直播：
http://worldcup2014.appledaily.com/match/live
http://bit.ly/EballLive