【本報訊】「好狼狽，咁大個人，未試過拎住台灣passport入香港！」早年嫁往台灣的港人莊小姐，一家四口原本想過個愉快的郵輪假期，早在3月經台灣「可樂旅遊」報名參加郵輪旅遊往日本九州觀光，豈料一場風暴令她感覺被「賣豬仔」，花數萬港元參加日本遊竟變成香港遊。她批評出發前數天颱風「浣熊」已逼近日本，船公司早應容許團友退款取消行程。令她哭笑不得的是，連香港身份證也沒帶上船的她，最終被迫拿台灣護照「扮遊客」入境，上岸一刻她身上「連一毫子港幣都冇……要臨時打電話畀細佬撲水5,000蚊！」
指未有適當交通安排
「問題係船公司做法應該坦誠一點，應該早啲宣佈因颱風而要改目的地，而不是強行出發！」莊小姐昨天受訪時顯得很憤怒。她指好多旅客上了年紀行動不便，郵輪公司卻未有適當交通安排：「最慘嘅係有一團坐輪椅嘅傷殘旅客，近50人，聽說他們落不了船，好慘！」。
莊小姐憤怒之餘也幽默地對記者說，改泊港口後，不少旅客都問她香港有何好去處：「我變咗旅遊親善大使。」而這次突然返港，更是「見番好耐冇見嘅老竇！」一家人在港團聚吃飯，也可說是意外的福份。