噚日facebook突然湧現「打面」潮，「被打」者正係經常講大話唔眨眼、連立法會主席曾鈺成都忍唔住開口寸嘅狼英。「打面」聽落好暴力，點解連和平佔中facebook專頁都分享？皆因呢個「打面」其實只係指由台灣傳入嘅「打臉圖產生器」產生嘅圖片，過程絕對和理非非。當政治人物講大話或立場前後不一時，就會成為圖中主角「被打臉」，可謂語言偽術嘅剋星。
噚日狼英嘅熱傳「打面」圖，內容包括佢88年自稱「我根本不是搞政治的材料」，同佢92年自稱「絕不會把孩子送去外國，這是一個錯誤的做法」等金句，睇嚟狼英日後若繼續亂噏當秘笈，未來肯定有排俾人打。