張智霖（Chilam）在紅館舉行的演唱會，前晚上演第2場，老婆袁詠儀（靚靚）做嘉賓，靚靚唱了數句梅艷芳的《夢伴》後，表示要向老公致歉，因明白到演唱會不易做，他綵排的兩個月，自己去了青島拍戲，將家務交到老公手上，再見他付出的努力，也自覺慚愧。
靚靚突哽咽說：「拍完戲返到屋企想錫佢，我聞到藥油味，嗰刻覺得佢為咗事業同家庭，不停鞭策自己，我同自己講無嫁錯呢個人，當初好多人叫佢做『袁詠儀男朋友』，但𠵱家啲人會叫我『張智霖老婆』，多謝佢多年嚟對我不離不棄。」這時Chilam拿了張紙巾上台，靚靚即含淚說：「多謝你，老公。」Chilam隨即唱出《今生今世》送給靚靚。
撰文：麥萍萍