保皇嘅吳亮星主持會議口窒窒，經常言不及義，完全唔覺佢滿肚墨水，但偏偏佢似乎係愛書之人。八方發現，佢最近用咗立法會實報實銷開支約600蚊，買咗好幾本政治正確嘅紅書嚟研讀，包括《解讀中國改革－習李新政的經濟大轉型》、《大危機逼出大改革－解讀三中全會如何改變你的生活和商機》。呢啲書咁緊貼國情，作為港區人大代表嘅佢，難怪必然要睇。佢同時仲買咗土炮學者李彭廣寫嘅《管治香港－英國解密檔案的啟示》，唔通想幫港府理順施政？觀乎佢主持財委會表現，係咪妙想天開咗啲呀？
身為金融界議員嘅佢，同時買咗同業界有關嘅《貨幣戰爭5－山雨欲來》；而一本《Office 2013 提昇企業效率達人實戰技》，莫非揭示佢連電腦都唔係好識用？