早前因為「腳痛」而缺席公開活動嘅澳門特首崔世安，據聞好番好多，近期仲頻頻接見各界人士，似乎想用行動證明健康no problem，爭取連任冇難度！好似上周五咁，佢就接見咗東華三院一班董事局成員，仲坐低傾咗成半個鐘。據知吹水安健步亦如飛，完全唔覺佢腳痛。八方問過東華主席施榮恒，佢話當日同崔世安交流過港澳兩地嘅社福、醫療發展經驗，仲同佢提及想同澳門鏡湖醫院合作，對方好支持，東華稍後會跟進。