中大建築學院約半年前換咗新院長，噚日首次同傳媒見面。新院長陳丙驊係美籍華人，讀完哈佛後一直係專業建築師，係少數由執業轉做教育嘅教授。位於尖沙嘴嘅聖安德烈堂有百幾年歷史，97年做大規模復修就係由陳院長統籌㗎！陳院長話任內目標之一，係百分百學生可以去海外實習，為咗呢個目標，佢笑笑口話碌盡人情卡，時不時call行家。佢覺得香港最大問題係地少，而且客戶偏向保守，反而國內客就好肯試新嘢。