為人父人母嘅，好多時見到仔仔女女可愛嘅一面，都會忍唔住影低留念，仲會拎出嚟同大家開心share，大S徐熙媛就係其中一個例子。
前晚大S就喺佢微博，貼咗張囡囡小玥大笑嘅相片，只見囡囡張嘴大笑到眼瞇瞇，而且仲見到疑似出牙仔，張相極具治療效用。大S喺微博留言道：「今天帶小玥兒去看老奶奶，玥兒一見老奶奶就笑了。奶奶說：唉呦〜小玥兒見老奶奶笑了！老奶奶還不會走！我們三姊妹和姑姑心頭一緊說：奶奶要走去哪兒啊！奶奶還得看小玥兒嫁人呢！奶奶和女兒都是我的心頭肉，都會好好的！都得好好的！」
同小朋友玩固然開心，但要湊，就真係少啲精力都唔掂。好似Ada咁，老公張晉去咗泰國努力搵銀，老婆蔡少芬要全權負責照顧一對寶貝女，前晚喺微博呻：「今天真是忙碌的一天。一大早就為兒童慈善心嘉年華做活動，再接湯包食中午，再參加牧師的婚禮，再接湯包去玩，又帶湯圓滑冰！雖然好累，但只要看到她們快樂，我也快樂！」不過到晚飯時間，囡囡湯圓就唔太乖喇，佢話：「湯圓曳曳，一直狂哭，感恩最後都讓她明白對錯！但相信問題仍會重複！只求主教會我如何做個合格的媽媽。」小朋友難免會有唔生性、扭計嘅情況，Ada加油！