日本東京池袋咖啡店槍擊事件，本報記者的弟弟藍文龍和六位中六同學直擊整個情況。居於事發咖啡室對面旅館6樓的藍文龍，與四位同學逛街後返抵房間，準備休息時聽到兩下槍聲，他昨天說：「本來以為咁嘈係有人醉酒鬧事，到今朝起身睇到報紙先知開槍。其實當時聽到兩下好大聲，行埋窗邊睇，發現咖啡店嘅枱凳都推跌晒，仲以為係推冧枱凳嘅聲，我哋仲開窗睇發生咩事。」
他續說：「當時見到咖啡店嘅侍應衝埋去制服個男人，雙方糾纏期間個男人仲反抗，現場仲有一個歐美遊客安慰傷者。隔咗3、4分鐘警察同救護員就到場，個傷者要由救護員用心外壓不斷急救咁送上救護車，不過就唔見有血」。他又指事發後，咖啡店樓上的櫻花酒店有旅客被要求調遷至他所居住的櫻花旅館。 總共7人首次同遊日本作畢業旅行的藍文龍又指，日本治安比想像中差，不過咖啡店職員勇敢制服兇徒，卻令他感慨香港人的冷漠。
《蘋果》記者