以前做民建聯副主席嘅劉江華，非常敢言，總之一見到鏡頭，就自動波發炮狂轟泛民，有殺錯，冇放過，但今時今日嘅劉江華，貴為政制及內地事務局副局長，講嘢除咗官腔，還是官腔。噚日八方喺佢出席港台《我家在香港》節目啟動禮時問佢，點睇佔中提早至本月或下月啟動；劉江華一粒字都唔肯講。究竟話佢驚青好，定係話佢不復當年勇？佢肯講嘅，就只係話政改首階段諮詢報告會喺今個月公佈，但係咪本周，都堅持封嘴。至於《我家在香港》嘅節目，本周起逢周三一連十星期播出，港台走訪咗來自德國、泰國、韓國、巴基斯坦、印度等不同種族人士，分享在港生活感受。