【創業Startup】
越來越多年輕人追求夢想，創業搞startup，「本地薑」包裹追蹤服務初創企業AfterShip，營運未夠一年，已獲著名基金IDG資本注資100萬美元（約780萬港元），創辦人不缺錢但卻缺人，聲言「人才快啲過來，跳槽嘅加薪三成，人數冇限！」。
記者：倪敏慧
創辦人陳龍生（Teddy）與陳澤威（Andrew）兩兄弟拍住上搞AfterShip，一個前鋒、一個助攻，互相補位，結果成功令公司運作頭一年，已擁有不少知名大客，上月更宣佈獲得騰訊（700）早期投資者IDG資本注資100萬美元。Andrew笑指，「啲錢冇用過，都唔知點用，所以我哋要請人！」
兩人於訪問中亦不禁表示現時請人甚艱難，公司正值用人之時，希望高薪聘請最少3至4名軟件工程師，另需一名技術總監，Teddy指「我希望搵到一個叻過我嘅人，所以跳槽者加薪三成。你轉工都要面對風險，我願以人工去彌補你嘅風險。」他笑指為考核應徵者，會提供難題，「可能係50位數開方，總之你電話一定計唔到嘅數。」
客戶包括Groupon及eBay
AfterShip於2011年底埋班，在Startup界可算十分威水，除獲IDG資本注資外，在2012年6月已收妥天使資金（Angel Round）。去年7月正式登場，至今支援全球180多間速遞及物流公司，擁1.5萬用戶。客戶中不乏知名網購企業，包括Groupon Goods、Zalora、eBay等，每月追查的包裹數目300萬件，按月增長25%。
擅長公關的Andrew主要負責公司外部溝通工作，他表示營運之初免費提供首500個包裹定單追蹤，「不過原來唔Work，講明免費，啲人會以為你呃佢。」於是公司開始為服務收費，運作後3個月內已錄得盈利。
與一般經營有道的Startup一樣，AfterShip未有為盈利訂下目標，過去雖有人接洽收購，但亦遭兩兄弟拒絕。兩人強調目前希望進一步改善產品，冀利用新資金擴大市場份額，一年內達到每月追查包裹數目3,000萬件目標，即現時之10倍。至於會否與香港及中國物流業合作，則有待機會。
對於會否擔心被人抄襲經營模式，Teddy不以為意，「如果真係俾人抄，首先我會檢討自己，人哋抄得好過你，即是你要好好向人學習。我唔認為抄係一件唔好嘅事，我係歡迎嘅，因為如果你有本事做得好過我，我會佩服。」
【學界佔中 黃竹坑現場】YouTube 重溫：
http://bit.ly/71march