紅極一時嘅宜家家居豺狼公仔路姆西，將登上大雅之堂，踩入英國倫敦嘅Victoria and Albert Museum，成為該館收藏品之一。該博物館日前公佈，為咗令收藏品更能適時回應世界大事，所以搞咗個展覽，展品包括路姆西，話隻公仔隱含香港嘅文化同政治意思。據英國《衞報》報道，呢隻價值八英鎊嘅路姆西，係香港政治異見人士嘅象徵，講出嚟都實在令人難以相信。報道指，路姆西一擲梁振英成名，搞到全港斷貨。但《衞報》卻錯將CY當咗做總統（President），又將香港變成國家（Country）。呢個博物館對正英國海德公園，即係狼英夫婦操控囡囡齊昕去影相嗰度囉。