鄭伊健熱愛運動，最近與周秀娜合作的新片《分手100次》，就與單車結緣，他在戲裏表演踩單輪車技術外，還有一場單車鬥跑車戲份。穿上全套單車手戰衣的伊健，清晨就現身山頂豪宅區試位，上落斜來回十幾次冇難度。
伊健近年絕迹踩單車，他說：「香港踩單車有好多法例限制，呢場戲講我踩車時發脾氣，我成日揸車都發覺好多人唔遵守法例，有時見到都會好嬲。但有次我俾後面架車撞車尾，落車見到對小情侶個樣好驚，都唔忍心追究，但到我開車走時，個女仔衝上嚟派卡片畀我，佢話喺卡拉OK做，叫我得閒去唱K，真係好搞笑。」
撰文：麥萍萍
【學界佔中 黃竹坑現場】YouTube 重溫：
http://bit.ly/71march