今屆世盃出現一個怪現象，就是踏入淘汰賽階段後，無論「強強對碰」或強弱懸殊，絕大部份球隊的踢法均極為保守，不時鬥至加時甚至互射12碼之餘，即使在法定時間分出勝負，先入球一方亦往往但求穩陣死守到尾。連一向崇尚進攻的阿根廷與荷蘭，亦不介意泊架大巴士在後防，可以預期兩場4強與冠軍戰，4大高手隨時又來多次「森巴巴士團」！
弱旅遇強手擺「大巴陣」當然可以理解，但連強隊遇弱亦泊大巴，過往世盃實不常見！即使早早打開紀錄，被視為強隊一方亦刻意全軍退守，務求以「1:0戰術」過關；諷刺是連落後一方亦慢條斯理，從今屆淘汰賽入球數字嚴重偏低，就可反映教練的保守方針實在相當嚇人。
因受主場群眾壓力而半被迫踢主攻足球的巴西（圖），應算是本屆最進取的球隊，但當尼馬重傷、堤亞高施華停賽，4強遇上大賽球隊德國，對哥倫比亞一役的亡命快放踢法料不復見。至於一路「勒住踢」的德國，今屆亦甚少沿用其機動踢法，今仗真正打作客，即使未必會踢防守足球，但刻意拖慢節奏穩中求勝，似乎亦事在必行。
正當今屆大部份球隊都有極出色的門將把關，同時亦不敢輕舉妄動，相信除了沒有太大心理包袱的季軍戰外，餘下賽事都是步步為營。以列強在淘汰賽的保守踢法，看來這個「森巴巴士團」勢必引來更多盟友加入；想看到刺激、開放、入球不絕畫面的球迷，除了季軍戰以外，或許再無其他選擇！
丘建威
有線足球評述員
識睇 一定睇蘋果嘅足動世盃：
http://worldcup2014.appledaily.com/